Presidenti i FSHF-së, Armand Duka paralajmëron furtunë në sistemin e arbitrimit.
Gjatë bashkëbisedimit me studentët e Universitetit “Aleksandër Xhuvani” në Elbasan, në kuadër të nismës për ndërtimin e akademisë së arbitrimit, kreu i qeverisë së futbollit shqiptar u dha një mesazh të qartë gjyqtarëve që me gabimet e tyre të qëllimshme kërkojnë të paravendosin rezultatin e ndeshjeve, duke mos përjashtuar “bilbilat” e FIFA-s.
Kjo deklaratë e Dukës vjen në kulmin e polemikave për gjykime tendencioze.
Duka u siguroi pjesëmarrësve në kampionat se në fund të garës fituesi nuk do të përcaktohet kurrsesi nga vendimet e arbitrave.
Por presidenti i FSHF-së nuk ngurroi t’i ftonte të gjithë aktorët e futbollit, që të krijojnë një klimë më pozitive ndaj gjyqtarëve.
Në fund, Duka u pyet edhe për letrën anonime nga Shqipëria drejtuar federatave europiane, kundër kandidimit të tij për një vend në Komitetin Ekzekutiv të UEFA-s.
Ai siguroi se ndikimi i saj në rezultatin e votimin ka qenë zero.
/a.m/
