Seriali televiziv në SHBA nën siglën “American Horror Story” do të ketë një kast yjesh, për sezonin e tretë të “American Crime Story”.
Temë e serive të reja është vrasja e Gianni Versace. Ryan Murphy, ideator dhe regjisor ka thirrur në kast këngëtarin e famshëm Ricky Martin, që do të interpretojë në rolin e shokut të stilistit (Edgar Ramirez), në krah të Penelope Cruz, që do të jetë Donatella Versace dhe Darren Criss, në rolin e serial killer Andrew Cunanan.
Për Martin nuk është hera e parë në set. Me Murphy ka bashkëpunuar në “Glee”, ku interpretonte në 2012 mësuesin e spanjishtes të Will, në ekranin e madh këngëtari në të shkuarën kishte interpretuar në disa telenovela, mes viteve ’80 dhe ’90, mes të cilave “General Hospital”.
Versace u vra me dy të shtëna pistolete në 15 korrik 1997 në vilën e tij në Miami Beach dhe për vrasjen u akuzua dhe dënua Andrew Cunanan.
Antonio d’Amico, mik i ngushtë i stilistit, prej 15 vitesh, nuk është i bindur se fajtori ishte Cunanan. Por çështja nuk u thellua asnjëherë me të vërtet, familja pranoi versionin zyrtar dhe rasti u mbyll shpejt.
/j.m/