Mundësi studimi në universitetet sllovake. Të gjithë ata persona, të cilët duan të studiojnë jashtë vendit kanë mundësi të ndjekin studimet universitare dhe pasuniversitare në nivelin bachelor/master dhe doktoraturë në institucionet shtetërore të arsimit të lartë të Republikës së Sllovakisë për vitin akademik 2017-2018 sipas programeve të studimit në pedagogji, kujdestari, shkenca pedagogjike; ekonomi dhe menaxhim; ekologji dhe shkenca mjedisore; arkitekturë dhe inxhinieri; inxhinieri ndërtimi, teknologji, manifakturë dhe komunikim; agrikulturë; pylltari dhe menaxhim uji. Kandidatët e interesuar për këto bursa studimi duhet të dërgojnë me postë deri më datë 26.04.2017 në Drejtorinë e Integrimit dhe Projekteve në Ministrinë e Arsimit dhe Sportit kërkesën për studime, duke specifikuar degën në të cilën kandidati dëshiron të studiojë. Në kërkesë të jepet një adresë kontakti E-maili dhe numër telefoni. Po kështu, edhe vërtetimin e notave për dy vitet e para dhe të semestrit të parë të vitit të tretë të shkollës së mesme. Ky vërtetim duhet të jetë i firmosur nga Drejtoria Rajonale/Zyra Arsimore e rrethit përkatës dhe nga Ministria e Arsimit dhe Sportit, pasaportë, raport mjekësor dhe 4 fotografi.
