Arnaud Desplechin, është francezi, i cili do të ketë nderin të hapë këtë edicion të ri me filmin “Fantazmat e Ismaël”, një trekëndësh dashurie që bashkon për herë të parë Marion Cotillard dhe Charlotte Gainsbourg, përkrah Mathieu Amalric.
Filmi u prezantua në mesditë për rreth 4 500 gazetarët nga mbarë bota që ndodhen tashmë në Kanë.
Nata e hapjes, me Monica Belluci do të fillojë në orën 19:00 me parakalimet e para të yjeve botërorë. Aktorja italiane e kishte pasur tashmë këtë rol në vitin 2003.
“Është dashuria ime për kinemanë që më shtyn ta bëj këtë. Mendoj gjithashtu se duhet të falënderoj Festivalin e Kanës, pa të cilin rruga ime nuk do të ishte e njëjta”, theksoi ajo.
“Kurrë nuk kemi ftuar kaq yje ndërkombëtare, veçanërisht për një mbrëmje të jashtëzakonshme të martën e ardhshme që do të jetë pika kulminante e këtij edicioni të 70-të të festivalit”, theksoi presidenti Pierre Lescure. j/m
