“Më ka bërë përshtypje deklarata e fundit e presidentit të Komitetit të Arbitrimit Tahir Kastrati, i cili së fundmi i ka kritikuar të gjithë arbitrat për ndeshjet e Javës së 34 të kampionatit. Nuk dua të merrem me arbitrimin,” – theksoi Demi.
“Kastrati i ka bërë thirrje edhe presidentëve të klubeve të jenë sa më bashkëpunues dhe ti denoncojnë me fakte, sigurisht nëse kanë, gjyqtarët e korruptuar. Them se më parë Kastrati duhet ti bëj thirrje presidentit të vet të FSHF-së dhe vetes së tij meqë është edhe president i Komitetit të Arbitrimit , në mënyrë që ta rregullojnë këtë punë sa më mirë,” – u shpreh më tej Demi për RTSH.
Lidhur me çështjen sesa e kanë sfiduar Partizanin aleancat e rivalëve, Demi përgjigjet: “Është një Partizan që po ngrihet nga dita në ditë më i mirë. Këtë punën e aleancave nuk dua ta dëgjoj se çfarë bëjnë të tjerët , ne si Partizan do të jemi gjithmonë në garë sipas rregullave.”
Për Federatën Shqiptare të Futbollit Presidenti Demi mjaftohet vetëm me një batutë, “Partizani do të jetë mbi nivelin e Federatës Shqiptare të Futbollit, kjo është e sigurt.”
Foto, presidenti i Partizanit Gaz Demi, marrë nga profili zyrtar i klubit Partizani