Dy të rinj shqiptarë janë gjetur të vdekur në një minierë të braktisur në komunën Acquasanta në provincën e La Spezia.
Policia italiane ka zbuluar trupat e pa jetë të dy shqiptarëve gjatë mbrëmjes së djeshme dhe njëri prej tyre është identifikuar. Ai quhet Fabiol Kycyku 19 vjeç, familjarët e të cilit kanë denoncuar zhdukjen e tij të dielën e shkuar. Identiteti i shqiptarit të dytë ende nuk është konfirmuar nga autoritetet italiane.
Hetimet e para të mjekut ligjor kanë verifikuar se dy të rinjtë kanë humbur jetën rreth 3 ditë më parë në mënyrë aksidentale duke rënë nga një lartësi prej 40 metrash nga rruga bregdetare që të çon në territorin turistik “Cinque terre”.
Në trupat e tyre nuk janë gjetur shenja dhune ose plagë të shkaktuara nga armë zjarri apo armë të ftohta.
Lidhur me këtë ngjarje policia italiane ka nisur një proces hetimor. /e.g/
