Kanoçja me birrë u hodh nga stadiumi dhe goditi trajnerin Iviç të PAOK, në kokë. Ai ra në tokë dhe më pas u dërgua në një spital pranë stadiumit, ku edhe mori ndihmën e parë. Doktorët thanë se kishte vetëm një të çarë në sipërfaqe të kokës, por Iviç pretendoi se mbeti për disa momente pa ndjenja, çka detyroi gjyqtarin kryesor të vendosë për ndërprerjen e ndeshjes. Pas trazirave, ndeshja pritet t’i jepet në tavolinë PAOK, me rezultatin 3-0.
Marcus Berg shënoi në 9’ për ekipin vendas, goli që mbeti në fuqi deri në momentin kur ndeshja u ndërpre, pas trazirave. Futbollisti shqiptar Ergys Kaçe ishte i pari, që u ndëshkua me karton të verdhë gjatë këtij takimi, që në 17’, në një ndeshje të tensionuar.
Gjyqtari kryesor nxori plot katër karton të kuq, dy prej të cilëve në 54’, moment kur nga trazirat, u vendos edhe për ndërprerjen e këtij takimi. Në 20’ portieri i Panathinaikos, Odysseas Vlachodimos, u ndëshkua me karton të kuq pasi goditi me bërryl një lojtar të PAOK.
Me fillimin e pjesës së dytë, tre minuta para se të mbyllje ndeshja Ëarda u ndëshkua dy herë me karton të verdhë. Por në 54’ Shakhov i Paok dhe Coulibaly i Panathinaikos ndëshkohen me kartonë të kuq, duke lënë ekipet me nga 9 lojtarë në fushë. Një ndeshje e pazakontë, ne stadiumin “Apostolos Nikolaidis” të Athinës.
Nëse Panathinaikos do të fajësohet për fundin e trishtueshëm të këtij takimi, do të penalizohet me tre pikë nga “play-offs” si dhe me dy pikë të tjera kur të nisë sezoni i ri. Në këtë rast PAOk i Ergys Kaçes do të jetë pesë pikë në klasifikimin e “play-off”, Panionios do të ketë 4 pikë, AEK tre pikë dhe Panathinaikos mund të shkojë në minus 1 pikë.
Foto marrë nga ekathimerini.com
/a.m/