Në lagjen Nr.2 të Korçës është gjetur trupi i pajetë i një të moshuari dhe i dekompozuar në oborrin e një banese.
Policia bën me dije se shtetasi me iniciale S.S, rreth 70 vjeç, jetonte i vetëm dhe vdekjen e tij nuk e ka pikasur askush.
Sipas policisë, nga të dhënat paraprake rezulton se ky shtetas jetonte i vetëm në banesë. Në trupin e tij nuk janë konstatuar shenja dhune. Trupi i tij është dërguar drejt morgut të Spitalit Rajonal Korçë ku pritet ekspertiza mjeko-ligjore për të përcaktuar shkakun e vdekjes.
Ndërkohë policia dhe grupi hetimor po punon për zbardhjen e rrethanave të ngjarjes. /e.g/
Foto ilustruese: Google
