Katër persona kanë mbetur të plagosur në një aksident automobilistik në aksin rrugor Rrëshen-Tirrë, ku mjeti tip Volkswagen me targa AA 421 OU ka humbur kontrollin duke u përplasur me mbrojtëset anësore të rrugës.
Policia sqaron se kanë mbetur të dëmtuar drejtuesi i mjetit shtetasi B.M. 46 vjeç si dhe 3 pasagjerët në mjet F.M. 55 vjeç, B.M. 22 vjeç, R.J. 17 vjeçe, të gjithë banues në Kukës. Të plagosurit janë dërguar në Spitalin Rajonal Kukës dhe ndodhen nën kujdesin e mjekëve.
Grupi hetimor ndodhet në vendngjarje e po punon për zbardhjen e plotë të shkaqeve të aksidentit./e.g/
