Për fat të keq nuk ka asnjë përmirësim gjendja shëndetësore e ish kampionit të Botës në Moto Gp Nicky Haiden. Spitali Bufalini i Cesenës ku Haiden gjendet i shtruar që pasditen e së mërkurës pasi u përplas nga një makinë ndërsa stërvitej me bicikletë, publikoi këtë të enjte buletinin e ri mjekësor ku shprehet.
“Nuk ka të reja thelbësore në krahasim me komunikatën e shpërndarë të mërkurën mbrëma. Pacienti mbetet i shtruar në repartin e reanimacionit, dhe tabloja klinike është ekstremisht e rëndë”.
Piloti që rfitoi Botërorin e Moto Gp në 2006-ën, sic u bë e ditur më parë, është në gjendje të rëndë, aq sa nuk mund ti nënshtrohet operacionit, ndaj mbahet në reanimacion, ku problemi parësor është një hematomë e pësuar në kokë, ndërsa ka fraktura edhe në këmbë dhe në pjesën e legenit.
Gjatë natës mes të mërkurës dhe të enjtes, skuadra e Honda-s në Superbile ishte në spital për ti qëndruar pranë Heiden në një moment vërtet delikat për jetën e 35-vjecarit amerikan. /e.a/
