Partia Demokratike është regjistruar në zgjedhjet e 25 qershorit. Ndërkohë gjatë ditës së sotme në zgjedhjet e 25 qershorit është regjistruar edhe Partia Republikane.
Partia Demokratike mbylli marrëveshjet me disa prej aleatëve, 24 orë përpara se të dorëzonte listat në Komisionin Qendror të Zgjedhjeve.
Nard Ndoka i Partisë Demokristiane, Vangjel Dule i Bashkimit për të Drejtat e Njeriut dhe Dashamir Shehi i Lëvizjes për Zhvillim Kombëtar vendosën të mos konkurronin me lista të veçanta, por të përfaqësoheshin në zgjedhje me logon e Partisë Demokratike.
Në këmbim, secili prej tyre ka një vend të sigurt në listat e deputetëve demokratë, përkatësisht në Shkodër, Vlorë dhe Tiranë.
Gjithashtu, ata do të kenë kandidatë në vende jo shumë të sigurta në qarqe ku historiku elektoral i favorizon. /e.g/
Foto ilustruese: Selia e Partisë Demokratike (Google)