Në prangat e policisë përfundoi Dritan Backa, i cili u kap gjatë teksa po qarkullonte me automjetin tip “Volkswagen Touareg” me targë AA 334 KP.
Policia njofton se se drejtuesi i mjetit, shtetasi Dritan Backa, sapo ka parë pikën e kontrollit të shërbimeve të policisë ka tentuar t’u largohej, por shërbimet i janë vënë në ndjekje në mënyrë të menjëhershme duke bërë të mundur bllokimin dhe kapjen e tij pranë vendit të quajtur “Ish-Fusha e Aviacionit”, lagjia “Kushtrimi” Vlorë.
Gjatë kontrollit që i është ushtruar këtij shtetasi (në çantën e krahut) është gjetur dhe sekuestruar në cilësinë e provës materiale: 1 armë zjarri Pistoletë-Zastava, 2 krehëra, 22 fishekë (7 – të kalibrit 7.62 mm dhe 15 – të kalibrit 9 mm) gjithashtu është bllokuar mjeti Touareg.
Materialet lidhur me këtë ngjarje i kaluan Prokurorisë së Vlorës për veprën penale “Prodhimi dhe mbajtja pa leje e armëve luftarake dhe municionit” parashikuar nga neni 278/5 i Kodit Penal. /e.g/
Foto ilustruese dhe informacioni janë marrë në faqen zyrtare të Policisë së Shtetit