Rreziku për sulme në tru dhe zemër, 10 ushqimet që hollojnë gjakun

Rreziku për sulme në tru dhe zemër, 10 ushqimet që hollojnë gjakun
Studimet kanë treguar se kimikati “rutin”, i cili gjendet në shumë produkte, është një nga holluesit më të mirë të gjakut, ndaj edhe rekomandohet konsumimi i atyre ushqimeve që e përmbajnë atë

Sonila Isaku

Shkencëtarët nga shtete të ndryshme, besojnë se kimikati rutin, i cili gjendet në shumë ushqime si molla, qepë, hudhra dhe shumë ushqime të tjera, mund të parandalojë mpiksjet e gjakut, të cilat shkaktojnë sulmin në zemër dhe tru. Ushqimet që hollojnë gjakun, kanë disa elemente konstruktive të një ushqyerje të shëndetshme, e cila është gjithçka që duhet për të zgjidhur problemet që lidhen me qarkullimin e gjakut dhe mpiksjen e tij. Ky është një aspekt i shëndetit, mbi të cilin ndikojnë në mënyrë thelbësore, kushtet e mirëqenies sonë, përveç karakteristikave gjenetike. Megjithatë, përmes një stili jete të ekuilibruar dhe një regjimi ushqimor të përshtatshëm, ju mund të ndërmerrni vërtet disa veprime të rëndësishme në drejtim të parandalimit. Por çfarë ushqimesh duhet të konsumojmë për të mos pasur mpiksje gjaku.

Mollët

Mollët janë të pasura me një substancë që quhet rutina, e cila ndërhyn në enzimat që çlirohen në organizmin tonë, kur gjaku mpikset në brendësi të enëve të tij. Kështu, nëse konsumoni mollë, do të arrini të parandaloni akumulimin e trombociteve që prodhojnë febrinën, proteinën e përfshirë në qarkullimin e gjakut.

Domatet

Ata që zbuluan se si domatet arrinin të përmirësonin hollimin e gjakut, ishin studiuesit skocezë, të cilët kanë bërë një studim specifik mbi këtë argument. Në veçanti, nga kjo pikëpamje, shumë të mira janë farat e domateve. Në bazë të studimit të “Rowett Institute” në Aberdeen të Skocisë, gjaku i trajtuar nga ekstrakti i farave të domateve hollohet shumë shpejt, me rezultate që mund të zgjasin edhe 18 orë.

Specat djegës

Edhe specat djegës janë një aleat i mirë për hollimin e gjakut. E gjitha meritë e kapsaicinës, që vepron sidomos në favor të qarkullimit të gjakut, në ato pjesë të trupit ku ky proces është më i vështirë.

Spinaqi

Spinaqi është i pasur me vitaminë K, e cila është pikërisht substanca që ndërhyn në rregullimin e procesit të mpiksjes së gjakut, duke e bërë këtë mekanizëm të funksionojë sa më mirë. Për t’u asimiluar sa më mirë, është e nevojshme që konsumimi i ushqimeve që përmbajnë vitaminën K, të kombinohet me vajin e ullirit.

Vaji i ullirit ekstra i virgjër

Vaji i ullirit ekstra i virgjër përmirëson qarkullimin e gjakut, ndërsa i bën mirë aparatit kardiovaskular, përderisa mban nën kontroll kolesterolin dhe tensionin e gjakut. Ai reagon edhe kundër plakjes së qelizave prej radikaleve të lira.

Arrat

Arrat arrijnë të mbajnë nën kontroll nivelin e yndyrave në gjak dhe për këtë, së bashku me frutat e tjera të thata, janë ushqim i rëndësishëm për të parandaluar goditjet në zemër dhe infarktin. Arrat mund të përfshihen në ushqimet e shëndetshme për t’u shtuar në dietë.

Hudhrat

Të mirat e hudhrave për sa i përket hollimit të gjakut, ndahen në dy substanca: ajoena e adenozina. Kjo e fundit është pengesë për trombozën, komponent që ka tendencë të favorizojë agravimin e trombociteve. Pra, hudhrat janë ushqim me një sërë të mirash.

Qepa

Adenozina gjendet edhe te qepa. Ky përbërës arrin të shmangë në gjak formimin e yndyrave, një tjetër shkak i cili mund të mpiksë gjakun. Qepa mban nën kontroll nivelin e glukozës në gjak.

Manaferrat

Manaferrat ndihmojnë për të luftuar inflamacionet dhe për të pastruar gjakun. Në mënyrë që ato të shfaqin të gjithë funksionin e tyre, për të ulur kolesterolin dhe për të mbrojtur zemrën, ju duhet të konsumoni 50 gramë në ditë.

Nato (lloj soje)

Nato është një lloj soje e cila bën pjesë në traditën kulinare japoneze. Në veçanti është e pasur me enzima që quhen natokinase. Këto veprojnë mbi fibrinat, duke parandaluar mpiksjen.

Shpërndajeni me miqtë tuaj: