Albi Alla, 24-vjeç, rikthehet në Greqi pas dy sezoneve në kampionatin shqiptar.
Ai ka shkuar në Greqi me familjen që kur ishte 3 vjeç dhe e ka nisur atje karrierën ku më pas u rikthye në Shqipëri për një eksperiencë te ekipet elitare shqiptare.
Në sezonin 2015-16, ai fitoi titullin kampion me Skënderbeun dhe gjithashtu pas kalimit te Kukësi, ku luajti gjatë sezonit që sapo u mbyll fitoi titullin kampion.
Ashtu si te Skënderbeu edhe me Kukësin, Alla luajti titullar thuajse në të gjitha ndeshjet, madje u thirr edhe nga Gianni de Biasi, në një ndeshje të kombëtares falë formës së shkëlqyer në mbrojtje.
Largimi i tij nga Kukësi, që kërkonte ta mbante edhe në Champions, hapi polemika, madje klubi verilindor pretendon ende se Alla mbetet në kontratë me ta dhe është pjesë e tyre.
/a.m/
