Pas zgjedhjeve të 25 qershorit, sapo ka përfunduar procesi i numërimit në të 12 qarqet e Shqipërisë.
Kryetari i KQZ-së, Klement Zguri në një deklaratë për mediat pas mbylljes së procesit tha se ka përfunduar zyrtarisht numërimi. Sipas tij rezultati paraprak është i tillë:
PS merr 74 mandate, PD, 43, LSI 19, PDIU 3 dhe PSD 1 deputet.
Partia Socialiste fiton e vetme zgjedhjet e përgjithshme, çka siguron numrat e nevojshëm për maxhorancën qeverisëse në katër vitet e ardhshme. Deputeti i vetëm i PSD, Tom Doshi, ish-aleat i Ramës në qeverisjen e kaluar tha se edhe ai do të jetë pjesë e maxhorancës së majtë, ndërsa PD dhe LSI pritet të jenë opozita e re, sikurse mbetet ende enigmë pozicionimi i PDIU.
/a.m/
