Por si është zbuluar dhuna e fëmijëve? Gjithçka ka nisur kur një tjetër prindër i interesuar për të regjistruar fëmijën e tij në kopsht, ka monitoruar një orë mësimi përmes filmimeve të vëna në dispozicion nga kopshti. Në këto pamje, ajo ka vënë re sjellje aspak normale dhe të dhunshme, duke vënë në dijeni edhe prindërit e fëmijës së dhunuar që iu drejtua më pas policisë. Dy ditë pas këtij denoncimi, puna në kopsht vijon normalisht, ndërkohë që prindërit e tjerë pohuan se do i drejtohen policisë për të siguruar pamjet dhe për të parë nëse fëmijë të tjerë në këtë kopsht, janë dhunuar ose jo. Nga të dhënat, rezulton se kjo edukatore kishte rreth 2 vjet që punonte pranë këtij kopshti.
Nga ana tjetër, psikologia e kopshtit ka mohuar të kishte shenja dhune tek fëmijët, por sipas saj, bëhej fjale vetëm për tërheqje të vëmendjes. “Nuk flitet për shenja dhune, flitet për një tërheqje vëmendje karshi fëmijës, por gjithsesi është e gabuar. Edukatorja në fjalë, ka rreth dy vjet që punon këtu. Ndoshta kjo ka ndodhur për shkak të gjendjes së saj psikologjike, emocionale, sepse janë gjëra dhe gabime njerëzore, por jo në këtë profil, këtu nuk lejohet. Në një periudhë të shkurtër, por ka ndodhur, shpesh herë, në disa fëmijë. Nuk kemi pasur asnjë rast tjetër denoncimi nga prindërit e fëmijëve. Jemi të shokuar, të tronditur, e dënojmë si fakt. Organet kompetente do të merren me zgjidhjen e gjërave”, - pohon psikologia e kopshtit privat, “4 stinët”. s/i
