Gjatë kompeticionit të International Championship Cup, Juventus dhe Roma kanë pasur sot gjatë orëve të para të mëngjesit një ndeshje me tepër emocion. Një ndeshje e ekuilibruar teksa në minutën e ’29, Juventus hap siparin me një super aksion të nisur nga mesfusha. Alex Sandro lëshon një assist perfekt në këmbët e Manzukiç i cili e pati të lehtë të shmangë portierin dhe të çojë topin në rrjetë.
Në minutën e ’52 Roma kërcënon me një “predh” të Strootman e cila përfundon në traversë.
Rradha e Romës do të vijë në minutën e ’74 teksa Kolarov merr krahun, lëshon një top në zonë i cili arrihet nga Dzeko dhe përfundon në rrjetë mjaft lehtë. Shtang mbrojtja e Juves.
Koha e rregullt përfundoi me barazimin 1-1. Juventusi triumfoi me penallti me rezultatin 5:4 pas goditjes së parë nga pika e bardhë e Marco Tumminello të Romës e cila dështoi duke përfunduar në duart e porterit juventin.
f.ç
Foto: Google
