Këngëtarja “harron” se Tirana nuk ka det, gjobitet nga policia për veshje të papërshtatshme

Ka ndodhur një fenomen i çuditshëm në kryeqytetin shqiptar. Këngëtarja me origjinë shqiptare nga Maqedonia, Laura Krliu, e cila ishte pjesëmarrëse në ‘X Factor 3’ është gjobitur nga policia e Tiranës. Ajo mori gjobë për shkak të veshjes së papërshtatshme në ambiente publike.

Në një postim gjatë ditës së djeshme ajo ka reklamuar në profilin e saj Facebook klipin e ri të saj, “Boy Bye”, duke premtuare se do të dalë në treg,  “Së shpejti”.

Këngëtarja ka vendosur të xhirojë videoklipin e ri në bregdetin shqiptar, por pas xhirimeve apo pushimeve atje ka shëtitur edhe në rrugët e Tiranës me të njëjtën veshje që ka mbajtur në det.

Ndërkohë Tirana nuk ka det për t’iu përshtatur veshjes së saj, ndaj  edhe publiku është habitur me veshjen e këngëtares. U desh edhe ndërhyrja e policisë duke i tërhequr vërejtje këngëtares së re, vërejtje që është shoqëruar edhe me një gjobë.

“Boy Bye” është projekti më i ri i këngëtares nga Shkupi.

/a.m/