Ashtu si Kombëtarja Shqiptare edhe Partizani preferon të drejtohet nga emra të njohur të futbollit italian.
Presidenti Gaz Demi afroi pak kohë më parë si konsulent Luciano Moggi. Edhe trajneri i ri i Partizanit do të jetë një italian.
Bordi drejtues ka miratuar propozimin e Moggi, që në bankinë të ulet Mark Juliano, ish-mbrojtës i Juves dhe kombëtares italiane.
Juliano, 43-vjeç, 4 herë kampion me Juven, pritet të prezantohet të hënën në bankinën e “Demave të kuq”.
Ai ka luajtur më parë me ekipe si Juve, Majorka, Bolonja e Sampdoria.
Si trajner ka drejtuar ekipe italiane, Latina, Pavia apo Komo.
Pas eliminimit nga Europa League, trajneri Sulejman Starova dha dorëheqjen ndërkohë që ishte planifikuar serbi i Luftëtarit Milinkoviç. Por Moggi i propozoi Partizanit një emër italian, që u miratua nga bordi dhe pritet zyrtarizimi i tij.
/a.m/