Vettel dhe Raikkonen i çuan gomat e makinave të tyre deri në limit dhe brenda 3 xhirove të fundit, u detyruan të hynin në bokse për të ndërruar gomat e çara dhe për ta mbyllur garën respektivisht në vendin e shtatë dhe të tretë.
ishte Hamilton që u nis nga vendi i parë dhe nuk e lëshoi asnjëherë këtë pozicion deri në xhiron e 51, ndërsa Bottas me Mercedesin tjetër zhvilloi një garë perfekte pasi rikuperoi plot 7 pozicione për t’u ngjitur në shkallën e dytë të podiumit. Start i keq për Vettel, ndërkohë Bottas fitoi terren madje parakaloi Vettel në pozicionin e tretë.
Tre xhiro nga fundi kur dukej se Raikkonen e kishte siguruar vendin e dytë, goma e majtë e la në baltë duke e detyruar të futej në bokse dhe të njëjtin fat të keq pati edhe gjermani i Ferrarit, i cili nuk arriti t’i mbyllte kilometrat e fundit duke u futur në bokse dhe duke humbur pozicione të vlefshme. Vettel vazhdon të mbetet në krye të botërorit me vetëm 1 pikë diferencë nga Hamilton, ndërsa në garën për konstruktorë, Mercedes hedh një hap të madh drejt titullit të radhës.
/a.m/