Braziliani nuk është kthyer me Barcelonën nga Miami, pas mbylljes së fazës përgatitore.
Barcelona do të niset drejt Kinës për turin e radhës, ndërsa Neymar sipas raportimeve nga Spanja pret që të kryejë këtë javë vizitat mjekësore në Paris.
Marrëveshja është arritur për 222 mln euro, rekord botëror i transferimeve.
Neymar është fotografuar në avion bashkë me babain dhe me agjentin e tij duke udhëtuar drejt Katarit ku e pret për të hedhur firmën mbi kontratë presidenti i PSG, Nasser Al-Khelaifi.
Gazeta e Katarit, Al Ëatan raporton se 25-vjeçari brazilian do të kryejë vizitat mjekësore në ditët në vijim. Shtypi spanjoll raporton se Qatar Sports Investment, grupi që ka në pronësi PSG i ka afruar Neymar mbi 300 mln euro, me qëllim që ai të paguajë klauzolën prej 222 mln euro të transferimit nga Barcelona, ndërsa pjesa tjetër është shtesë për Neymar, i cili do të jetë ambasador i Kupës së Botës 2022, që do të mbahet në Katar. Paga e lojtarit me PSG është llogari tjetër individuale mes tij e klubit francez.
Mbappe për 180 mln euro pritet të kalojë te Real Madrid, por kjo shifër është larg asaj që është vendosur për transferimin e Neymar, që përbën një rekord botëror.
/a.m/
