Rama tha se përmes një platforme të gjerë, çdo qytetar do të shërbehet nëse ka ndonjë ankesë apo kërkesë në zyrat e administratës shtetërore. Sipas Ramës, ky sistem i ka infektuar të gjitha partitë politike, ndaj ai pohoi se në shtator do të nisë një formë e re qeverisje.
“Ne do bëjmë një reformë shumë të thellë në administratë, duke nisur që nga qeveria e të gjitha insitutucionet. Do bëjmë shkurtime drastike të të gjithë degëve të thata e parazite të administratës shtetërore. Do bëjmë çmos të çrrënjosim burokracitë. Duam që në 4 vite të arrijmë të jemi n shërbim ë popullit”.
Rama komentoi edhe “listën e zezë” me emra zyrtarësh e prokurorësh të korruptuar.
“U bë nami për një listë nga FB im, ajo erdhi thjesht nga komentet e njerëzve. Ajo është një përmbledhje e emrave, nuk është se do dënohet njeri. Por mekanizmi që do ndërtojmë s’do jetë ky, por do jetë i qartë dhe transparent për çdo zyrtar apo punonjës të shtetit që ka shkelur ligjin”, – shtoi kryeministri.
