Rekordi i transferimeve të futbollistëve pritet të thyhet sepse Real Madrid ka arritur një marrëveshje me Monaco për 180 mln euro, për Kylian Mbappe.
E mbetur pezull lëvizja e mundshme për 222 mln euro e Neymar te Paris Saint-Germain, tani blerja e Mbappe pritet të thyejë rekordin prej 105 mln euro që vendosi Paul Pogba vitin e kaluar.
Firma mes “Los Blancos” e lojtarit konsiderohet çështje ditësh.
E përditshmja spanjolle “Marca” ka zbuluar detajet e marrëveshjes.
Monaco ka kërkuar 190 mln euro, ndërsa Zidane ka dhënë pëlqimin e tij në parim për lojtarin dhe shumën e afruar nga Reali, teksa ka takuar presidentin Perez mbi këtë çështje. Reali do paguajë 160 mln euro, plus 20 mln euro në formë bonusesh.
Kjo blerje e bujshme e Real Madrid realizohet pak ditë pasi Marota u shit te Chelsea për 80 mln euro.
/a.m/