Koreografja Riselda Sejdia është gjithmonë e pranishme me pamjen e saj dhe vendet e bukura që viziton, ku dhe ajo kalon pjesën më të madhe të kohës. Nënë e një djali, Riselda ka një formë të admirueshme, falë edhe aktivitetit të saj si koreografe. Por Riselda ka dhe një stil të sajin, mes elegancës dhe ekzotikes. Këtë verë ajo po kalon pushimet në Belek, në Turqi me familjen dhe në plazhet dhe pishinat e resorit luksoz ku po qëndron, ka shpalosur një sfilatë me kostume banjoje shumëngjyrësh, me elementë të fortë e të dukshëm, shoqëruar edhe nga aksesorët e kombinuar me to.
