Albian Ajeti
Ditë vendimtare sot për të ardhmen e Albian Ajeti. Drejtori i klubit të SPAL, Davide Ferrara Vagnati, do të takohet me drejtuesin e St. Gallen për të ekzekutuar transferimin e sulmuesit 20-vjeçar me origjinë shqiptare. Mbeten për t’u përcaktuar detajet e fundit, ndërsa marrëveshja paraprake është arritur me kohë. Ajeti të shtunën nuk do të jetë kundër Lugano pasi e pret ta ketë në dispozicion Leonardo Semplici javën e ardhshme.
Arlind Ajeti
Por po kaq vendimtare mund të jetë sot edhe e ardhmja e Arlind Ajetit, 23-vjeç, mbrojtësit të kombëtares shqiptare. Pas një sezoni me Torinon, Arlindi nuk është më në planet e kësaj skuadre pasi nuk ka besimin e trajnerit serb Sinisha Mihajloviç. Pas një sezoni te Torino, Arlend Ajetit pritet sot të kalojë te Crotone.
Ledian Memushaj
Sakaq mediat italiane njoftojnë se Ledian Memushaj, i cili ishte në stol në fitoren e djeshme të Pescara, 3-1 ndaj Teramo, është shumë pranë ekipit zviceran të Sion, që drejtohet nga ish-numri dy i stolit kuqezi, Paolo Tramezzani.
Emir Lenjani
Tramezzani kishte insistuar edhe me një emër tjetër të kombëtares sonë, Emir Lenjani.
Sion ka zyrtarizuar sot dy blerje: sulmuesin Robert Acquafresca dhe lojtarin e kombëtares sonë, Ermir Lenjani. Klubi helvet kërkon tani që të ketë edhe Ledian Memushaj, madje gati të paguajë shumën e kërkuar nga Pescara, për kartonin e tij, çka pritet brenda javës të bëjë bashkë dy lojtarë kuqezi.
/a.m/