Për të gjithë ata të cilët kërkojnë të vijojnë më tej studimet dhe që duhet të njihen me kriteret e pranimit në universitete, tashmë ato janë të publikuara nga Universiteti i Tiranës, ku vlen të theksohet se formula për t’u bërë pjesë e 7 fakulteteve të Universitetit të Tiranës ka ndryshuar pothuajse në shumicën e fakulteteve.
Ja një nga fakultetet i cili ka ndryshuar kriteret e pranimit të studentëve aplikantë:
“Fakulteti për Gjuhët e Huaja, një risi për këtë vit ka që të gjitha notat e provimeve gjatë tre viteve të shkollës së mesme duke shtuar dhe notat e provimeve të maturës që janë gjithsej 5 lëndë. Këto nota mblidhen së bashku dhe pjesëtohen me numrin e përgjithshëm të tyre. Kjo është formula e cila do të përdoret për të pranuar maturantët të cilët dëshirojnë të vijojnë studimet e tyre për degët e Gjuhëve të Huaja. Ndërsa për ata të rinj të cilët duan të aplikojnë në Fakultetin e Histori-Filologjisë do të përdoret një tjetër formulë përllogaritëse.
Të gjitha programet që funksionojnë në këtë fakultet, funksionojnë sipas një parimi të përbashkët, ku 80% e vlerësimit do të jetë nga mesatarja e tre viteve në shkollës së mesme, që duket së përbën edhe bazën kryesore të procesit të vlerësimit, ndërkohë që 20% do të llogaritet nga mesatarja e provimeve me detyrim të maturës shtetërore”.