Eljsao. Ç, 23 vjeç, banues në Tiranë, kujtoi se kishte dalë “pa u lagur” nga ngjarja e rëndë e 20 prillit të këtij viti, ndaj dhe i ishte drejtuar sportelit të policë në hyrje të Pikës së Kalimit Kufitar Kapshticë.
I riu me precedentë të mëparshëm penalë, që po vinte nga greqia, u pikas nga policia, e cila kishte kohë që e kërkonte.
Fotoja e tij, edhe pse aktualisht kishte pak ndryshime në pamjen fizike, e dekonspiroi. Nuk vonoi dhe uniformat blu e thirrën për ta shoqëruar me pranga për në Komisariatin e Policisë së Devollit.
“Ndalohet një prej autorëve të dyshuar të ngjarjes së ndodhur më datë 20.04.2017 në një lokal të qytetit të Vlorës, ku u vra me armë zjarri një shtetas si edhe u plagosën tre të tjerë.
Ndalimi i tij u bë pasi, ky shtetas ishte shpallur në kërkim në lidhje me ngjarjen e datës 20.04.2017, ndodhur në lagjen ‘Uji i Ftohtë’ në Vlorë, ku në ambientet e një lokali u vra me armë zjarri shtetasi Ergys Gjioveshaj, si edhe u plagosën tre shtetas të tjerë’, deklaron policia.
Mbi 23-vjeçarin rëndojnë akuzat: “Vrasja në rrethana cilësuese” dhe “Prodhimi dhe mbajtja pa leje e armëve luftarake dhe e municionit”. /l.k/
(Foto: Google)
