Paraditen e sotme në rrugën “Don Bosko’ në Tiranë, një 34-vjeçar është plagosur me thikë.
Plagosja është shënuar rreth orës 10:15 (20 gusht 2017) dhe policia ka arrestuar si autor të dyshuar Besnik Kolndreu, 29 vjeç, banues po në Tiranë.
Sipas policisë, 34-vjeçari i identifikuar me inicialet S.M është dërguar në spital nën kujdesin e mjekëve.
Njoftim i policisë: “Nga hetimet paraprake është mësuar se këta dy shtetas janë konfliktuar për motive të dobëta”.
Grupi hetimor po punon për sqarimin e plotë të rrethanave të këtij konflikti.