Media kosovare bëjnë me dije se Rexhepi ndodhej prej muajsh në gjendje kome në një spital në Turqi.
Ai fillimisht ishte shtruar në Qendrën Klinike Universitare të Kosovës ku edhe i është nënshtruar operacionit mirëpo për shkak të gjendjes së rëndë ishte transferuar në Turqi.
Bajram Rexhepi, me profesion kirurg lindi më 3 qershor 1954, në Mitrovicë.
I diplomuar në Fakultetin e Mjekësisë në Universitetin e Prishtinës në vitin 1979, studimet pas-universitare i përfundoi në Zagreb,Kroaci në vitin 1985.
Filloi karrierën profesionale si kirurg i përgjithshëm dhe specialist endoskopie në spitalin rajonal të Mitrovicës deri në vitin 1990.
Më pas, ai u bë udhëheqës i qeverisë hije në qytet dhe u zgjodh i dërguar i Mitrovicës në Kuvendin e Kosovës.
Gjatë luftës më 1999 me Serbinë, Rexhepi iu bashkua UÇK-së duke shërbyer si mjek.
Pas luftës, Rexhepi u bë kryetar i këshillit bashkiak të Mitrovicës dhe Kryetar i pjesës së jugut të qytetit të ndarë, si dhe kreu i degës së organizatës PDK në qytet e cila në zgjedhjet e përgjithshme më 17 nëntor të vitit 2001, fitoi 25.7 % të votave, duke u radhitur e dyta pas Lidhjes Demokratike të Kosovës.
Më 4 mars të vitit 2002, Bajram Rexhepin u zgjodh nga Kuvendi i Kosovës si Kryeministri i parë i vendit dhe Ibrahim Rugova si president.
/f.ç/
Foto: Google
