Një tren i cili ecte me 100 km/h u aksidentuar në rrethana ende të panjohura duke dalë nga shinat, në Indi, teksa ngjarja u kthye në tragjedi. Bilanci i viktimave deri tani është 24 persona kanë vdekur dhe 156 të tjerë janë plagosur.
Mediat vendase raportojnë se aksidenti ka ndodhur në Muzaffarnagar në shtetin e Uttar Pradesh, 80 milje nga Nju Delhi, mbrëmjen e së shtunës.
Nga shpejtësia dhe përplasja, vagonat u mbivendosën njëri mbi tjetrin, duke u përplasur me disa shtëpi aty pranë dhe një kolegj.
“Ne po kontrollojmë të gjithë vagonët për të gjetur çdo të mbijetuar ose trupat e personave të tjerë të vdekur,”-tha Anant Dev, shefi i policisë së qarkut Muzaffarnagar për AFP.
Një trumë e madhe njerëzish janë mbledhur për të ndihmuar të mbijetuarit që të dalin nga rrënojat e trenit dhe disa prej tyre janë dërguar në spital në gjendje të rëndë.
/f.ç/
Foto: Google