Në Grupin D, Barcelona dominoi ndeshjen por fitoi minimalisht ndaj Sporting Lisbonë, falë një autogoli të Coates në 49’. Barça siguron fitoren e dytë radhazi dhe merr e vetme kreun e renditjes. Juventus siguroi tre pikët e para ndaj Olimpiakos. Shënuan Higuain në 69’ e Mandzukiç në 80’ .
Në Grupin B, PSG kaloi në avantazh pas vetëm dy minutave lojë ndaj Bajern me Daniel Alves. Edinson Cavani e Neymar shënuan dy golat e tjerë. PSG shfaqi që tani ambiciet e mëdha për të fituar këtë sezon trofeun Champions. Në ndeshjen tjetër Celtic fitoi ndaj Anderlekt, falë golit të Griffiths në pjesën e parë. Me fillimin e pjesës së dytë autogoli i Mbodji i siguroi fitoren e parë skocezëve.
Manchester United, në Grupin A, shkatërroi CSKA Moskë në transfertë 4-0, duke u ngjitur gjithashtu në kuotën e 6 pikëve. Dopietë e Lukakut në pjesën e parë. Basel i Taulant Xhakës fitoi thellësisht 5-0 ndaj Benfikës, duke shënuar nga dy gola në secilën pjesë dhe tre të tjerë në pjesën e dytë.
Grupi C, Roma e siguroi shumë shpejt fitoren ndaj Qarabak të Ansi Agollit, falë golave të shpejtë të Manolas 7’ e Dzekos 15’, ndërsa vendasit shkurtuan diferencë në 28’. Agolli rikthehet pas dëmtimit, duke luajtur titullar për 90 minuta. Atletico Madrid -Chelsea u mbyll me fitoren 1-2 për kampionë anglezë. Griezman kaloi vendasit në epërsi falë një 11-metërshi në fund të pjesës. Londinezët barazuan shifrat me Marotën. Batshuayi kaloi miqtë në epërsi në kohë shtesë.
Champions League
Grupi A – Sot
Basel – Benfica 5-0
CSKA M. - Manchr U. 1-4
Grupi B
Anderlecht – Celtic 0-3
PSG - Bayern Munich 3-0
Grupi C
18:00 Qarabag – Roma 1-2
Atletico M. – Chelsea 1-2
Grupi D
Juventus – Olympiacos 2-0
Sporting – Barcelona 0-1
Të martën
Grupi E
Sevilla – Maribor 3-0
Spartak M. – Liverpool 1-1
Grupi F
Manchester C - Shakhtar D. 2-0
Napoli – Feyenoord 3-1
Grupi G
Besiktas – Leipzig 2-0
Monaco – Porto 0-3
Grupi H
APOEL N. - Tottenham 0-3
Borusia D. - Real Madrid 1-3
