Në një postimi në rrjetin social “facebook”, Vasili shkruan se deklarata e Ministrisë së Shëndetësisë se do të prisheshin të gjitha ndërtimet pa leje brenda dhe jashtë territoreve të spitaleve në të gjithë vendin nxori në shesh edhe njëherë mashtrimet e kryeministrit Edi Rama, i cili në 2013, pak kohë pas marrjes së mandatit të parë deklaroi se ishin prishur të gjitha ndërtimet pa leje nëpër spitale.
“Ministrja e Shëndetësisë tha se filloi të prishë ndërtimet pa leje nëpër spitale. Pra, e filloi nga këtu ndonëse ky nuk ishte në asnjë pikë të programit të qeverisë për shëndetësinë.
Në 2013-n, Kryeministri, me bujurdi të madhe, si edhe ministri i Shëndetësisë, mbytën televizionet dhe shqyen fytin duke thënë se i spastruan spitalet nga ndërtimet pa leje.
Kush është fajtori që qenkan ndërtuar prapë gjatë 2013-2017, apo u desantuan nga diku larg? Apo kryeministri iku për turizëm dhe nuk di gjë as për këtë?”, shkruan mes të tjerash Vasili./l.k./
(Foto: Google)