Laçi rezistoi 60 minuta, por më pas pësoi 3 gola. Alyev zhbllokoi rezultatin pas një goditjeje që u devijua nga mbrojtja mike, në 61’, ndërsa Kale e Bakaj kompletuan fitoren e dytë brenda fushës, në po kaq ndeshje për kampionët në fuqi.
Trajneri i Laçit, Stavri Nica, pas humbjes 3-0 me Kukësin, e dyta radhazi në tri javë, tha se mund të largohet pasi e sheh edhe mbijetesën të vështirë.
Flamurtari i Vlorës shënon fitoren e dytë radhazi, duke i shkaktuar Teutës vendase humbjen e parë në kampionat. Bushiç realizoi dy gola në pjesën e parë.
Teuta shkurtoi shifrat në pjesën e dytë, me një 11-metërsh. Edhe pse portieri Nurkoviç e priti penalltinë e goditur nga Lena, në 76’, topi kthehet në lojë dhe Hila ngushton shifrat në 1-2. Mbyllet me këtë rezultat ndeshja në “Niko Dovana”. /a.m/
Kategoria Superiore
Java e tretë - Të shtunën
Lushnja-Kamza 0-0
Luftëtari- Vllaznia 0-0
Skënderbeu – Partizani 2-0
Sot
Kukësi – Laçi 3-0
Teuta-Flamurtari 1-2
Klasifikimi
Skënderbeu 7
Kukësi 7
Flamurtari 6
Teuta 6
Vllaznia 4
Luftëtari 4
Laçi 3
Kamza 2
Lushnja 1
Partizani 1
