Hysaj, në ndeshjen e javës së shtatë, që Napoli e fitoi 3-0 ishte titullar i padiskutueshëm.
Hamshik, Martens me 11-metërsh dhe Koulibalu në pjesën e dytë realizuan tre golat e fitores së shtatë radhazi 3-0, ndaj Cagliari. Përveç 7 fitoreve radhazi, Napoli ka shënuar edhe 25 gola në fillimin e këtij sezoni. Në sezonin 2013-14, Roma shënoi 10 fitore radhazi dhe 20 gola në 7 ndeshjet e para.
Edhe kuqezinjtë e tjerë, të Seria A, para se të nisë grumbullimi i Kombëtares shqiptare, kanë luajtur titullarë duke bërë edhe paraqitje pozitive. Arlind Ajeti, mbrojtësi i Crotonte, në barazimin 1-1 ndaj Spal, zhvilloi një ndeshje tjetër pozitive.
Thomas Strakosha, portier i Lazio pësoi një gol nga Sasuolo, me 11-metërsh, por skuadra e tij fitoi thellësisht 6-1. Dopietë nga Alberto e Parolo e një gol i De Vrij e Immobile siguruan fitoren tenistike.
Ledian Memushaj e Berat Djimshiti ishin titullar në fushë për debutuesit e Benevento, ndaj Inter, ndonëse skuadra e tyre pësoi humbjen e radhës dhe mbetet ende pa asnjë pikë.
Marcelo Brozovic shënoi dy gola të shpejtë për Inter, por Daelsandrio shkurtoi shifrat në 1-2.
Kievo fitoi 2-1 ndaj Fiorentinës, ndërsa Torino mundi 2-2 Veronën.
Në ora 18:00 luhet ndeshja kryesore e javës së shtatë në Seria A, mes Milan e Romës.
Atalanta e portierit Etrit Berisha ndeshet në mbrëmje me Juventus. Kampionët në fuqi kërkojnë të mos shkëputen nga Napoli kryesues.
Seria A- 30 shtator
Udinese-Sampdoria 4-0
Genoa-Bologna 0-1
Sot
Napoli- Cagliari 3-0
Benevento-Inter 1-2
Chievo-Fiorentina 2-1
Lazio-Sausolo 6-1
SPAL-Crotone 1-1
Torino-Verona 2-2
18:00 Milan - Roma
20:45 Atalanta - Juventus