ALB
ENG
Antena: Urime, urime shoku Saimir! Ja, arritët që të mos arrestoheshit.
Saimir Tahiri: Shumë faleminderit! Isha i bindur për këtë gjë. Ama një gjë më bën përshtypje: Pak njerëz po më presin, në krahasim me sa të mira kam bërë unë, sidomos në ish Zonën e Parë Operative të LANÇ, Vlorë-Tepelenë.
Antena: E po i ka jeta këto, kur bie nga karrigia. Nuk më thoni: Ku u e bazonit bindjen që do dilnit?
Shoku Saimir: Për mos ta zgjatur: Te teknologjia. Ajo të nderon.
Antena: Pak më konkret shoku Saimir!
Saimir Tahiri: E mban mend idenë time që çdo dyqan të vendoste kamera? E kam hedhur si ide, në tetor 2015, pra fiks dy vite më parë.
Antena: Po, më kujtohet. E thatë disa herë këtë gjë.
Saimir Tahiri: Përse e kërkoja me ngulm, mendoni ju?
Antena: Ku ta di unë, se mos merrem me dyqane. Unë mezi mbyll "dyqanin", zinxhirin e pantallonave, jo më të hap dhe mbyll dyqane biznesi. Përse e kërkonit...?
Saimir Tahiri: Thashë atëherë që, me anë të këtyre kamerave, njerëzit do ruanin biznesin dhe menderen e tyre.
Antena: Po kështu thatë, mesa më kujtohet. Mbaj mend se kundër kësaj ideje ishte opozita...
Saimir Tahiri Se mos vetëm opozita. Ishte edhe Edi Rama.
Antena: Si ishte, kundër?
Saimir Tahiri: Po të ishte pro, do e miratonte ligjin ai. Kur i do menderja atij, i gjen ca deputetë, e i bën për vete. Për këtë ligj, nuk donte.
Antena: Mund të ma thoni, ju lutem se përse ai ishte kundër këtij ligji?
Saimir Tahiri: Pikërisht pra se, në lokale i bënte pazaret. Madje jo vetëm ai, por edhe anëtarët e tjerë të familjes së tij.
Antena: Po më thoni që nuk këmbënguli për atë ligj, pasi i bën pazaret në lokale. Nuk besoj! Ai mund t'i bëjë në zyrë, p.sh. Apo s'mundet?
Saimir Tahiri: Në zyrë bën vizatime ai. Nuk do që ta shqetësojë njeri. Ndaj bisedat i bën në lokale. Kryesisht lokale peshku. Disa rreth tij i gjejnë "peshq" të mëdhenj që janë të gatshëm të paguajnë, e në ato lokale peshku mblidhen. Le se i di mirë unë...!
Antena: E konsumon shumë peshkun, Kryeministri? Përse?
Saimir Tahiri: Për të mos krruajtur kokën ndaj. Peshku përmban substanca që parandalojnë krruajtjen e lëkurës. E di mirë këtë gjë unë.
Antena: Nga e dini? Le që keni qenë ministër i Brendshëm. Desh harrova. Meqë ra llafi te llafi "desh". Desha t'ju pyes...
Saimir Tahiri: Më pyet, por pak shpejt se do më vijnë çunat e policisë të më kontrollojnë në shtëpi.
Antena: Ç'lloj peshku ha Kryeministri?
Saimir Tahiri: Nuk munda ta përcaktoja dot. As policët e mi që e ndiqnin, nuk mundën.
Antena: I kishit futur spiunë Kryeministrit? Po ky qenka lajm i thënë ekskluzivisht për mua.
Saimir Tahiri: I kisha vendosur dy kalecë, policë civilë. Ata vetëm llojet e mishit në hell njihnin. "O shef-më thoshin. Nuk po e kuptojmë dot ç'peshk ha Edi". S'kishin faj. Ishin nga Tepelena, ku vetëm mishi njihet.
Antena: D.m.th. nuk arritët që të merrnit vesh llojin e peshkut që hante Kryeministri.
Saimir Tahiri: Nuk e mora, ama arrita të merrja qime floku të tij. I kishte rënë në supë. Ç'nuk kanë hequr të besuarit e mi, ta siguronin atë qime. Atë ditë në pjatat me supë, kishin rënë me dhjetëra qime flokësh.
Antena: Si është e mundur kjo gjë?!
Saimir Tahiri: Ata që e shoqëronin, e kishin parë që i kishte rënë një qime në supë. Kujtuan se Edi e hodhi vetë, e për të bërë siç bëri Rama, hodhën edhe ata qimet e tyre.
Antena: Ma bëtë bashkëbisedimin supë dhe qime, shoku Saimir.
Saimir Tahiri: E po te kjo qime qëndron edhe arma ime.
Antena: Si qëndron te kjo qime, nuk e kuptoj?
Saimir Tahiri: Sapo më siguruan të besuarit e mi qimet e flokut të Kryeministrit, i çova në laboratorin shkencor të policisë. Nuk ju thashë se të kujt ishin ato qime. Mirëpo dikush e mori vesh dhe i tha Edit. Ai dërgoi disa njerëz dhe e përvëluan laboratorin. E mban mend besoj...
Antena: Po, po e mbaj mend. Ka qenë nëntori i vitit 2015.
Saimir Tahiri: Po pra fill pas nismës time për vendosjen e kamerave.
Antena: Përse i kërkonit me ngulm qimet e Kryeministrit?
Saimir Tahiri Më kishte thënë Saliu se, përse krruante kokën Edi.
Antena: Dhe ju i besuat Saliut?! Ju e keni quajtur "plak të rrjedhur"
Saimir Tahiri: Plakut pordhët mos i dëgjo, thotë populli ynë. "Për një qime shpëtova", se sot do isha në birucë. Kisha marrë nga Edi tre qime. Dy ja dorëzova laboratorit që u dogj. Njërën e mbajta, e fsheha për ditë të vështirë.
Antena: Çfarë ka të veçantë në këtë qime?
Saimir Tahiri: Atë e di unë dhe Edi. Nëse e mban mend kur thashë "S'keni parë gjë akoma,", krruajta kokën. Nëse Edi "e krruan" prapë me mua, do ta them me zë dhe figurë, se çfarë ka kjo qime...
