“Tahiri”, provat sekrete të Prokurorisë, avokati Hajdari kërkon tre ditë kohë

Në seancën me dyer të mbyllura Prokuroria ka paraqitur prova që përbëjnë ‘sekret shtetëror’ dhe me rifillimin e seancës avokati i ish-ministrit të Brendshëm Saimir Tahiri ka kërkuar tre ditë kohë për të analizuar provat e paraqitura.

Kjo nuk është pritur mirë nga opozitë që nëpërmjet deputetit Alibeaj është shprehur se këshilli duhet të vendoste për heqjen e mandatit dhe jo arrestimin e ish-ministrit.

Madje sipas Alibeajt edhe kryetari i Këshillit të Mandateve kishte premtuar se do t’i hapej rruga drejtësisë, pra hetimit të deputetit Tahiri.

Deputeti i maxhorancës Bledi Çuçi tha se ky ishte një proces fars dhe provat e paraqitura nuk bindnin.

Deputeti Gent Strazimiri tha se nuk duhet të zgjateshin pasi ishin para faktit se do ti hapnin rrugën drejtësisë apo jo.

Eduard Halimi, deputet i PD-së përmendi rastin Basha kur ai me dëshirën e tij kishte kërkuar heqjen e imunitetit edhe pse nuk ishte akuzuar për trafik droge.

Deputeti i LSI-së Nasip Naço u shpreh se duhet të pyetet organi i Prokurorisë nëse ka mundësi të jepet mbrojtjes kjo kohë e kërkuar./l.k./