Apokalipsi që Presidenti i Federatës Italiane Tavecchio kishte frikë ka arritur të realizohet në mënyrën më të pamëshirshme.
Italia nuk do të marrë pjesë në finalet e Kupës së Botës në Rusi (kjo nuk ndodhte prej 60 vjetësh!). Tani është realitet.
Suedia fitoi me një gol të shënuar me fat në ndeshjen e parë. Në “San Siro” Italia nuk shkoi më larg se barazimi 0-0. Shumë mundësi u krijuan, por asnjë gol nuk u shënua, pas dy ndeshjeve “play-off”. Tani hapet faza e procesit. Ventura ndoshta drejtoi ndeshjen e fundit, sepse tani ai do të duhet të japë dorëheqjen.
Dhe gjithashtu duhet kuptuar se çfarë do të ndodhë në krye të Federatës së Futbollit. Kush janë mëkatarët e këtij eliminimi? Si ta rinisim? Mediat italiane janë treguar të ashpra dhe kërkojnë një analizë që nga i pari i federatës dhe deri te punonjësi më i thjeshtë për të nxjerrë përgjegjësitë e këtij dëhstimi, që vështirë se do të kapërdihet lehtë.
“Italia jashtë botërorit...Të gjithë jashtë,” – ka qenë mesazhi i "Corrierre dello sport”, duke kërkuar revolucion në radhët e “axurrëve”. Pothuajse të gjitha mediat italiane janë shprehur tepër kritike dhe u janë drejtuar tifozëve të shprehin mendimin e tyre për revolucionin që pret Italinë pas eliminimit.
/a.m/