ALB
ENG
Një ditë pas humbjes së Luftëtarit 3-2 me Teutën dhe kërcënimit të presidentit Grigor Tavo për tërheqje nga gara, ekipi gjirokastrit përgatit një relacion për t’ia dërguar FSHF-së me pamje filmike ku i kërkon penalizmin e gjyqtarit Blerim Ziri, e të tjerëve që e kanë dëmtuar gjatë këtyre javëve.
Ndërkohë dje u zhvilluan tre ndeshjet e tjera të javës së 10-të në Kategorinë Superiore dhe më 22 nëntor luhet takimi i fundit, Vllaznia-Lushnja.
Kamza – Kukësi 2-2
Shënues: Plaku 41′, 55′ /Kale 27′, Rrumbullaku 76′
Kamza: Halilaj, Frashëri, Kuqi, Fushtar, Idrizaj, Fukui, Arrabal, Ymeri (Zefi 89′), Rezi (Neziri 54′), Plaku, Raçiç. Trajner: R.Ndreu.
Kukësi: Koliçi, Hallaçi, Shameti, Hoxha, Rrumbullaku, Kërkotiç (Imami 75′), Kale, Zeqiri (Musolli 64′), Ethemi (Alijev 64′), Bakaj, Guri. Trajner: M.Milinkoviç.
Gjyqtarë: Kridens eta
Kartonë të verdhë: Fushtar, Frashëri / Bakaj, Hallaçi, Hoxha
Laçi-Partizani 1-0
Shënues: Rexhinaldo 50’
Laçi: Selmani, Fangaj, Qaqi, Gjoni, Shala, Nika (Xhixha 92′), Bardhi (Lushkja 54′), Jonuzi, Uzuni, Eskerda (Kallaku 93′), Rexhinaldo. Trajner: Gentian Mezani
Partizani: Hoxha, Ibrahimi, Malota, Atanda, Kalari, La Kamera (Bardhi 56′), Vila, Batha, Asani (Fili 73′), Trashi, Progni. Trajner: Sulejman Starova
Gjyqtarë: Klajdi Kola
Kartonë të verdhë: Rexhinaldo, Shala, Jonuzi, Nika/ Batha, Kalari, Atanda, Bardhi,
Flamurtari-Skënderbeu 1-1
Shënues: Bicaj 39’/ Muzaka 88’
Flamurtari: Nurkoviç, Musta, Bicaj, Siljanovski, Jakovljeviç, Useini, Sidibe (Hyseni), Hoxhaj, Alvesh, Zhufo, Bushiç. Trajner: Sh. Duro
Skënderbeu: Shehi, Radas, Aliti, Vangjeli, Mici, Osmani, Taku, Shkodra (Muzaka 56′), Gavazaj, Xhejms, Soue. Trajner: I. Daja
Kartonë të verdhë: Useini, Bici/ Aliti
Gjyqtar: Juxhin Xhaja
Kategoria Superiore
Java e 10-të/Të Mërkurën
Luftëtari-Teuta 2-3
Sot
Kamza-Kukësi 2-2
Laçi-Partizani 1-0
Flamurtari-Skënderbeu 1-1
22 nëntor
Vllaznia-Lushnja 14:00
Klasifikimi
Skënderbeu 26
Kukësi 19
Flamurtari 17
Kamza 16
Laçi 14
Partizani 11
Teuta 11
Luftëtari 8
Vllaznia 6
Lushnja 5
Sulejman Starova, trajner i Partizanit:
“Bëmë një pjesë të parë të pëlqyeshme, por në fraksionin e dytë morëm një gol pas një gabim foshnjarak në nivel kolektiv. Më pas shfaqëm shumë tension dhe këtë gjë e vuri në dukje kapiteni Batha. Kemi ndeshjen e radhës me Kukësin. Partizani nuk është mësuar prej vitesh të jetë në një gjendje të tillë. Është e vështirë të kalosh këtë shok psikologjik që ka përfshirë ekipin”.
Trajneri i Flamurtarit, Shpëtim Duro:
“Dua të komplimentoj skuadrën për atë që dha në fushën e lojës, pasi përballë kishim një kundërshtar mjaft të fortë. Sot e meritonim patjetër fitoren, por edhe gjyqtari na penalizoi, sepse na mohoi golin e dytë, që mund të mbyllte sfidën. Nuk po diskutoj më për penalltinë. Kemi bërë maksimumin si me Skënderbeun, ashtu edhe me Kukësin, por na kanë penalizuar vendimet e gjyqtarëve.”
