Më tej ai argumentoi se PS nuk ka bërë deri më tani asnjë ankesë në Kolegjin Zgjedhor.
“Kush është institucioni që vlerëson vendimin e KQZ?! Deri tani asnjë subjekt zgjedhor nuk e ka ankimuar vendimin në Kolegjin Zgjedhor. Unë me deklarata politike nuk merrem. Nëse nuk ka ankimim, vendimi është i ligjshëm” u shpreh Zguri, i cili vijoi më tej se ka procesverbale që verifikon pretendimet në fjalë dhe KQZ është e hapur mbi këtë çështje.
Sakaq, në Komisionin e Ligjeve, kryetari i KQZ, Klemend Zguri ka shprehur shqetësimin për disa çështje që kanë të bëjnë me logjistikën, duke kërkuar fonde shtesë. Ai tha se KQZ në të gjithë Republikën ka 2 furgona të vitit 1994 dhe 3 makina të vogla.
Zguri tha se në total pr/buxheti parashikon 128 milionë lekë. Përveç tavaneve të miratuara nga Këshilli i Ministrave janë kërkuar fonde shtesë.
“Ka të bëjë me një kat ose dy kate shtesë rreth 500 metra katror në institucionin e KQZ. Edhe pse jemi në një godinë të re është e pamundur për të mënazhuar fluksin e personave sidomos në periudha zgjedhore.
Një moment tjetër ka të bëjë me makina. Unë e di që nuk ka ndonjë vëmendje të madhe, por duhet të them jemi në zero mundësi. Furgon të vitit 1994, mjete në rrugë. Është gjithë Republika, janë dy furgona dhe 3 makina të vogla që janë të gjitha të zeruarua. Institucionet përkatëse nuk na pajisin dot me leje dhe me taksat. Nuk i paguajmë dot për të qenë normal,”
/a.m/