Kështu është shprehur kryeministri Edi Rama teksa ka inspektuar unazën e qytetit të Peshkopisë, e cila përfundon pranverën e ardhshme.
Një “Rrugë të vogël të Arbrit” e ka cilësuar ai atë, duke shtuar se “kur bashkëpunojnë socialistët me demokratët për punët reale bëhen gjëra të mëdha”.
Më pas Rama pa nga afër edhe urën e re në Njësinë administrative Komsi, e cila sapo është vënë në përdorim.
“Mua më vjen shumë mirë që i kemi çliruar nga i gjithë ky ankth i madh të gjitha ato familje e prindër që kanë sjellë familjet për në shkollë, duke bërë cirk këtu”, u shpreh ai.
“Tani po bëhet realitet kjo unazë, me një financim të qeverisë shqiptare, rreth 2 milionë euro, me gjatësi 3.5 kilometra dhe një urë 20 metra, me sistemimin e kanalizimit të ujërave të zeza dhe ujërave të bardha, me trotuare, me ndriçim”, shtoi ndërkaq, Muharrem Rama, kryetar i Bashkisë së Dibrës.
/n.e/