ALB
ENG
Alket Aliu
Partia Demokratike ka nisur procesin e analizës për rezultatet e zgjedhjeve të 25 qershorit dhe për zgjedhjet në strukturat e partisë.
Një udhëzim i firmosur nga kryetari i partisë, Lulzim Basha dhe sekretari i Përgjithshëm, Arben Ristani, përcakton modalitetet mbi bazën e të cilave do të kryhet analiza. Udhëzimi mban numrin 24, datë 06.10.2017, por që është shpërndarë nëpër degët e PD-së, vetëm ditët e fundit. Ai titullohet “Për nisjen e procesit të konsultimit dhe analizës të strukturave organizative të Partisë Demokratike”.
Piketat e analizës
Që në fjalinë e parë të udhëzimit, duket se analiza do të përqendrohet në “manipulimin e zgjedhjeve”, duke kërkuar përgjegjësinë e humbjes në faktorë të jashtëm.
“Manipulimi i zgjedhjeve të 25 qershorit, ka rënduar krizën politike dhe shoqërore në vend dhe ka dëmtuar rëndë besimin e qytetarëve tek sistemi ynë politik dhe, për rrjedhojë, ka ulur besimin e tyre tek e ardhmja në Shqipëri”, - thuhet në udhëzim.
Por sekretari i Përgjithshëm i Partisë Demokratike, Arben Ristani, në një prononcim për “Albanian Free Press” e kundërshton këtë perceptim. “Në metodikën e analizës së rezultatit zgjedhor përfshihet edhe analizimi i detajuar dhe krahasues i rezultateve të zgjedhjeve, duke filluar nga çdo qendër votimi; verifikimi i pjesëmarrjes në votim, krahasuar me zgjedhjet paraardhëse; vota e votuesve të qëndrueshëm dhe identifikimi i personave që munguan në votim; vota e transferuar në subjekte të tjera. Të gjitha këto tregojnë se është një proces tërësisht brenda vetes, por, padyshim që duhet të shohim edhe faktorët e jashtëm”
Duket se në analizën e Partisë Demokratike, pjesëmarrja e PD-së në kabinetin e Kryeministrit Rama me një zv/Kryeministre, gjashtë ministra dhe drejtorë të rëndësishëm të Përgjithshëm, nuk do të shikohet si faktor pozitiv.
“Partia Demokratike i konsideron zgjedhjet e fundit si një shans të humbur që jo vetëm nuk sollën asnjë risi përsa i përket lehtësimit të krizës ekonomike dhe sociale në vend, por thelluan në përmasa të pa ndodhura më parë, fenomenet e presionit ndaj votuesit, përfshirjes në proces të krimit të organizuar, shitblerjes së votës dhe transformimit të ndjeshëm të vullnetit të zgjedhësve”, thuhet në udhëzimin e firmosur nga drejtuesit më të lartë të partisë.
Sipas këtij udhëzimi, fenomenet që duhet të parandaloheshin me pjesëmarrjen e ministrave teknikë të caktuar nga PD jo vetëm nuk frenoi fenomenet negative, po, përkundrazi, “ i thelloi në përmasa të pandodhura më parë”.
Përkundrejt kësaj, sekretari Ristani thotë se pjesëmarrja e ministrave në kabinetin Rama ka qenë efektive, por fenomenet e nënvizuara në udhëzim kanë qenë aq masive, saqë, me gjithë kontributin e ministrave teknikë, kanë sjellë deformimin dhe manipulimin e rezultatit përfundimtar. Ai thotë se paratë e krimit dhe drogës ishin vendimtare në këto zgjedhje.
“Shikoni vetëm përgjimet e fundit që janë zbardhur, ku Saimir Tahirit i duheshin 20 milionë euro vetëm për Tiranën. Po sa i duheshin Gjiknurit për Vlorën? Po në qarqet e tjera?” thotë për “Albanian Free Press” Arben Ristani.
Angazhimi i ri
Në udhëzim, thuhet se, me gjithë pjesëmarrjen e PD-së në procesin e hartimit të reformës zgjedhore, kjo është e pamjaftueshme. “Kjo reformë do jetë një kontribut i jashtëzakonshëm, por ajo nuk do të mjaftojë për të garantuar zgjedhje të lira dhe të ndershme, nëse ne nuk angazhohemi në aktivitete konkrete në mbrojtje të votës së lirë”, thuhet në shkresën e PD-së.
Basha dhe Ristani angazhohen se “do të hartojmë dhe vëmë në zbatim një strategji të brendshme kundër shitblerjes, vjedhjes dhe ndikimit të votës, e cila duhet të përmbajë një plan konkret veprimesh për të parandaluar dhe shmangur tjetërsimin e votës”.
Në udhëzim nuk bëhet e qartë se me cilat mjete dhe mënyra do të operohet, sipas strategjisë së re, për të funksionuar “mbrojtja e votës së lirë”.
Sekretari Ristani thotë se qëllimi i partisë Demokratike është të identifikojë fillimisht personat që janë përfshirë në shitblerjen e votave, sasinë e parave të “investuara” nga kundërshtarët në çdo qark dhe të tjera të dhëna që do të pasqyrohen në tabelat përkatëse.
“Pasi të përfundojë mbledhja dhe përpunimi i informacionit, do të kalohet në fazën e dytë, atë të ndërtimit të strategjisë”, pohon Arben Ristani.
Strategjia më e fundit, ajo nëpërmjet pjesëmarrjes në strukturat shtetërore, u denoncua nga vetë PD si e dështuar, madje që thelloi fenomenet e shitblerjes së votës.
Kundërshtarët e Bashës
“Rezultati zgjedhor 2017 duhet lexuar drejt dhe ndershëm, duke marrë të gjitha masat për korrigjimin e mangësive dhe ngritjen e besimit dhe shpresës tek qytetarët shqiptare”. Kjo është e para fjali e udhëzimit për analizën në PD ku flitet për problemet e brendshme në parti. Në një fjali të mëpasme, kërkohet “identifikimi i problematikave të brendshme të shfaqura në zgjedhjet e përgjithshme 2017, si dhe të hapave konkretë për t`i korrigjuar ato”.
Kaq është e gjithë përgjegjësia personale e lidershipit të Partisë Demokratike për humbjen e zgjedhjeve. Pikërisht kjo përgjegjësi është pika nevralgjike ku mëshojnë kundërshtarët e Lulzim Bashës në Partinë Demokratike, që kërkojnë largimin e tij që menjëherë pas daljes së rezultatit të zgjedhjeve, madje edhe përpara zgjedhjeve.
Po ku janë në këtë proces ata që firmosën kundër kryetarit aktual të PD-së apo që janë shprehur publikisht kundër tij?
Duket se kryetari Basha ka zgjedhur t’i ripërfshijë në strukturat e reja, madje t’u besojë një rol të rëndësishëm në procesin e analizës. Të tillë kundërshtarë, anëtarë Kryesie apo Këshilli Kombëtar, tashmë figurojnë në listën e grupeve të punës në degët e PD-së në Tiranë, në rolin e koordinatorëve apo të deleguarve.
Ndër këta emra, figurojnë: Eduart Selami, Jamarbër Malltezi, Asllan Dogjani, Keltis Kruja, Avenir Peka, Julian Deda, Suzana Guxholli, Endira Bushati, Fabian Topollaj, Juela Mecani, Leonard Olli, Mirgen Lata, Arben Skënderi, Edith Harxhi, Gent Minarolli, Bislim Ahmetaj etj. Një pjesë tjetër e këtyre firmëtarëve, duke përfshirë edhe Arben Imamin, janë të shpërndarë në grupet e punës në rrethe.
Një nga anëtaret e Këshillit Kombëtar, Edith Harxhi, ish-zv/ministre e Jashtme, thotë për “Albanian Free Press” se e ka marrë vesh caktimin e saj në grupet e punës nëpërmjet zyrës organizative në PD, por ende nuk e ka të qartë rolin e saj në këtë analizë. “Është një analizë për të cilën nuk kam informacion, pasi nuk është shtruar në Këshillin Kombëtar, si organi më i lartë vendimmarrës i partisë, i cili nuk është mbledhur asnjëherë.
Por si e shikon emrin e saj në grupet e punës, së bashku me të tjerë drejtues të PD-së që janë shprehur publikisht kundër Lulzim Bashës? A është kjo një tentativë për të zbutur grupimet në PD?
Edit Harxhi thotë se mbështet çdo iniciativë për gjithëpërfshirje, pasi ajo është për unifikimin e Partisë Demokratike. Por ajo nuk beson se nga një analizë e tillë do të dalë fajtori apo fajtorët për humbjen e zgjedhjeve. Zonja Harxhi thotë se, nga informacionet që ka prej miqve të saj, emrat e tyre janë përfshirë në lista pa dijeninë e të interesuarve dhe se treçereku i tyre ka refuzuar të marrë pjesë në këtë analizë ose është shmangur.
“Unë personalisht nuk kam marrë ende një vendim për pjesëmarrje ose jo. Nuk më duket e ndershme të përfshihem në një proces pa u pyetur. Aq më tepër, të përballem me bazën e partisë me përgjegjësinë e anëtares së Këshillit Kombëtar, kur nuk kam qenë pjesë e vendimmarrjes për ato çështje që na çuan në humbjen e zgjedhjeve”, përfundon zonja Harxhi.
Anëtari i Kryesisë së Partisë Demokratike, Jamarbër Malltezi, e shikon si pozitiv një proces analize, por thotë se duhet shoqëruar me të tjera lëvizje të mëpasme.
I pyetur nga “Albania Free Press për caktimin e kundërshtarëve të Bashës në grupet e punës, Malltezi thotë se çdo parti që kërkon të vijë në pushtet, synon eliminimin e grupimeve dhe unifikimin brenda vetes. “të gjithë anëtarët e Këshillit Kombëtar do të jenë pjesë e grupeve të punës, pasi është pjesë e funksionit të tyre në parti dhe nuk mund të lihen mënjanë”, thotë Malltezi.
Strategji e vjetër?
Pas zgjedhjeve të vitit 2013, në Partinë Demokratike u përvijua një situatë e tensionuar ndërmjet demokratëve të përqendruar në grupimet “Basha” dhe “Olldashi”. Një tension që u fashit disi pas aksidentit të të ndjerit Olldashi, por i rikthyer në prag të zgjedhjeve të fundit ku Lulzim Basha kandidoi përballë Eduard Selamit. Një pjesë e kundërshtarëve të katër viteve më parë të Lulzim Bashës, u rigrupuan sërish me Astrit Patozin në krye.
Lulzim Basha zgjodhi katër vite më parë strategjinë e përfshirjes së “njerëzve të Olldashit”, të mbetur pa lider, në gjirin e strukturave të reja të Partisë Demokratike, duke u promovuar si një kryetar që “nuk mban mëri” dhe që është “mbi palët”. Pavarësisht se në vitin 2017 i nxori nga listat.
Grupet e Punës
Qarku Tiranë
Tirana 1
GP/Kryetari Degës Fetah Hasanaj
Deputetët Grida Duma
Anëtarët e Kryesisë Arben Skënderi
KK & Koordinatorë Edith Harxhi, Gent Minarolli, Bislim Ahmetaj, Meri Poni
I deleguar Helidon Bushati
Tirana 2
GP/Kryetari Degës Edison Çela
Deputetët Gent Strazimiri
Anëtarët e Kryesisë Dritan Shano
KK & Koordinatorë Eduart Selami, Gëzim Pani, Bujar Brovina, Agim Parllaku
I deleguar Helidon Bushati
Tirana 3
GP/Kryetari Degës Gëzim Demushi
Deputetët Gert Bogdani
Anëtarët e Kryesisë Laura Vorpsi
KK & Koordinatorë Murat Basha, Besart Kadia,
I deleguar Helidon Bushati
Tirana 4
GP/Kryetari Degës Hysni Kuka
Deputetët Gent Strazimiri
Anëtarët e Kryesisë Dritan Shano
KK & Koordinatorë Arben Qirjako, Etion Kapedani, Albana Myftari, Nertila Qafzezi
I deleguar Jamarbër Malltezi
Tirana 5
GP/Kryetari Degës Cim Babasi
Deputetët Halim Kosova
Anëtarët e Kryesisë Suzana Guxholli
KK & Koordinatorë Kastriot Islami, Adriana Gjonaj, Akil Kraja, Fabian Topollari, Juela Mecani, Lediana Fratari, Gazmend Dibra, Roberto Caparotta
I deleguar Jamarbër Malltezi
Tirana 6
GP/Kryetari Degës Astrit Xake
Deputetët Jorida Tabaku
Anëtarët e Kryesisë Endira Bushati
KK & Koordinatorë Leonard Olli, Klodiana Shala, Mirgen Lata
I deleguar Bujar Vukaj
Tirana 7
GP/Kryetari Degës Lefter Kostenja
Deputetët Albana Vokshi,
Anëtarët e Kryesisë Nevila Xhindi
KK & Koordinatorë Arben Sefgjini, Reila Bozdo, Julian Deda, Flor Pustina
I deleguar Bujar Vukaj
Tirana 8
GP/Kryetari Degës Ervis Xhako
Deputetët Jorida Tabaku
Anëtarët e Kryesisë Lealba Pelingu
KK & Koordinatorë Flir Mosho, Akil Kraja
I deleguar Jamarbër Malltezi
Tirana 9
GP/Kryetari Degës Saimir Mulgeci
Deputetët Grida Duma
Anëtarët e Kryesisë Arben Skenderi
KK & Koordinatorë Mirela Tabaku
I deleguar Ivi Kaso
Tirana 10
GP/Kryetari Degës Eduart Kelmendi
Deputetët Orjola Pampuri,
Anëtarët e Kryesisë Enkelejda Sallaku
KK & Koordinatorë Reila Bozdo, Edmond Palushi, Ilir Kondi
I deleguar Bujar Vukaj
Tirana 11
GP/Kryetari Degës Florian Lila
Deputetët Rudina Hajdari
Anëtarët e Kryesisë Kastriot Sulka
KK & Koordinatorë Gjok Uldedaj, Agron Kulicaj
I deleguar Flamur Hoxha
Tirana 12
GP/Kryetari Degës Fatbardh Plaku
Deputetët Gent Strazimiri
Anëtarët e Kryesisë Nevila Xhindi
KK & Koordinatorë Ylli Kupi, El Allmuça, Tasim Mema
I deleguar Gert Bogdani
Tirana 13
GP/Kryetari Degës Besnik Fucia
Deputetët Albana Vokshi
Anëtarët e Kryesisë Gent Malko
KK & Koordinatorë Gjok Uldedaj, Agron Kuliçaj
I deleguar Flamur Hoxha
Tirana 14
GP/Kryetari Degës Arben Shkoza
Deputetët Taulant Zeneli
Anëtarët e Kryesisë
KK & Koordinatorë Kletis Kruja
I deleguar Helidon Bushati
Vorë
GP/Kryetari Degës Pëllumb Brusha
Deputetët Flamur Hoxha, Ahmet Prençi
Të zgjedhurit Vendorë Fiqiri Ismaili
Anëtarët e Kryesisë Gent Malko
K.K&Kordinatore Fatbardh Sallaku
I deleguar Flamur Hoxha
Kamzë
GP/Kryetari Degës Xhelal Mziu
Deputetët Flamur Hoxha, Ahmet Prençi
Anëtarët e Kryesisë Avenir Peka
KK & Koordinatorë Keltis Kruja
I deleguar Ivi Kaso
Paskuqan
GP/Kryetari Degës Anton Pjetërnikaj
Deputetët Flamur Hoxha, Ahmet Prençi,
Anëtarët e Kryesisë Avenir Peka
KK & Koordinatorë Asllan Dogjani
I deleguar Ivi Kaso
Kavajë
GP/Kryetari Degës Isa Sakja
Deputetët Dorjan Teliti, Genc Gjylsheni, Hysen Kadiu, Fisnik Qosja
Anëtarët e Kryesisë
KK & Koordinatorë Roland Kërçuku,
I deleguar Gert Bogdani
Rrogozhinë
GP/Kryetari Degës Ferdinand Saraçi
Deputetët Shkëlqim Hoxha, Ndriçim Dushku
Anëtarët e Kryesisë
KK & Koordinatorë Roland Kërçuku
I deleguar Gert Bogdani
