Një shqiptar ka mbetur i plagosur pas përplasjes me policinë greke, teksa transportonte 10 emigrantë pakistanezë.
Mediat vendase njoftojnë se ngjarja ka ndodhur në Kavala të Greqisë, kur një patrullë policie i ka bërë me shenjë mjetit me të cilin udhëtonte shqiptari për të ndaluar.
22 - vjeçari shqiptar në tentativë për tu larguar ka humbur kontrollin e mjetit dhe ka pësuar aksident.
Kur policët i janë afruar mjetit për të arrestuar, i riu ka sulmuar njërin prej tyre në tentativë për t’i marrë pistoletën.
Efektivi i policisë ka qëlluar në ajër dhe pastaj mbi shqiptarin duke e plagosur atë.
Shqiptari mori plagë në dorë u dërgua në spital. /l.k./
(Marrë nga http://www.star.gr)