Kjo ndeshje do të luhet pa tifozë, pas dënimit të stadiumit të Flamurtarit nga disiplina.
Kukësi i vendit të dytë do të mbajë të njëjtat pozita vetëm në rast se shmang humbjen në Vlorë.
Ndeshja Vllaznia-Skënderbeu, sipas marrëveshjes së dy klubeve do të luhet në Korçë dhe jo në Shkodër. Kjo ndeshje do të gjykojë një treshe gjyqtarësh nga Malta, sipas marrëveshjes për shkëmbimin e gjyqtarëve mes dy vendeve. Kryesor do të jetë Mario Apap, ndërkohë Skënderbeu kërkon fitoren e radhës për të ruajtur kryesimin dhe diferencën e krijuar në 8 javët e para.
Të shtunën u zhvilluan tre ndeshjet e para të javës së fundit të fazës së parë.
Spikati humbja e Partizanit 1-0 në derbi me Kamzën. Goli i Ymerajt pesë minuta para mbylljes së takimit po i largon të kuqtë edhe nga objektivi më minimal i këtij sezoni, që është vendi i tretë.
Humbja e Partizanit u shoqërua me një analizë të thellë, paraditen e së dielës. Mark juliano ishte në pritje të vendit të klubit, nëse do të shkarkohej. Klubi Partizani komunikoi zyrtarisht se e ka ndërprerë me marrëveshje, bashkëpunimin me trajnerin Mark Iuliano dhe zv. trajnerin Alexandro Dossena. “Sulejman Starova do të jetë trajneri i ri në vijim të këtij sezoni futbollistik, duke filluar nga e marta e 7 Nëntorit , ditë kur skuadra në ora 11:30 do të rinisë përgatitjet,” – ishte njoftimi zyrtar. . Klubi i Partizanit “falënderon trajnerët Mark Iuliano dhe Alexandro Dossena për punën e zhvilluar deri tani në skuadër, duke i uruar njëkohësisht suksese në karrierë.”
Sulejman Starova rikthehet si trajner i Partizani, ai debuton ndaj Laçit, në ndeshjen e parë të fazës së dytë
Vendimi pritej të ishte i tillë. Mjafton fakti se para të kuqve në klasifikim ndodhet dy ekipeve që kanë objektiv mbijetesën: Kamza e Laçi.
Luftëtari i Gjirokastrës nën drejtimin e trajnerit Hasan Lika fitoi ndaj Lushnjës me nga një gol në çdo pjesë lojë, të Rrocës e Rapos, duke i shkaktuar edhe humbje debutimit të Hysen Dedjes te Lushnja.
Barazimi 1-1 me Teutës e Laçit në Durrës (Dediç 35’ e Nika 39’) kënaqi miqtë e drejtuar nga Mezini, duke i lënë sërish “djemtë e detit” në krizë rezultatesh.
Kategoria Superiore – Java e 9-të
Të shtunën
Luftëtari 2-0 Lushnja
Kamza 1-0 Partizani
Teuta 1-1 Laçi
Sot
Vllaznia 14:00 Skënderbeu
Flamurtari 17:00 Kukësi
1
Skënderbeu 22
Kukësi 17
Flamurtari 15
Kamza 15
Laçi 11
Partizani 11
Teuta 8
Luftëtari 8
Vllaznia 6
Lushnja 5
/a.m/