Tre persona arrestohen nga policia e Vlorës, pasi akuzohen për disa vjedhje.
Në kuadër të operacionit të koduar “Ustai” u arrestuan: Arnold Tosku, 18 vjeç, Eraldi Hamzallari, 30 vjeç dhe Xh.H., 14 vjeç, të tre banues në Vlorë.
“Këta shtetas në bashkëpunim me njëri-tjetrin vidhnin sende të ndryshme hidraulike e elektrike, dhe i shisnin ato në treg me qëllim përfitimi vlerash monetare”, sqaron policia sipas së cilës:
“Janë sekuestruar në cilësinë e provës materiale sendet e vjedhura”. Në bashkëpunim me njëri-tjetrin ata dyshohen se vidhnin sende të ndryshme hidraulike e elektrike, sidoemos te firmat e ndërtimit, apo banesat, që më pas i shisnin.
Policia dyshon se këta persona kanë kryer edhe një sërë vjedhjesh të tjera në qytetin bregdetar.
/a.m/