Singapori lë të dytin në radhë Stokholmin, jo për shkak të rregullave të rrepta se sa për ambientin e sigurt, aeroportin eficient dhe ultramodern dhe vullnetin për të mirëpritur turistët.
Renditja është publikuar nga website i udhëtimeve TravelBird. Ai analizoi 500 destinacionet më të mëdha të turizmit në botë, sipas Organizatës Botërore të Turizmit, duke marrë në konsideratë faktorë kyç që bëjnë një vizitor të ndihet i mirëpritur si për shembull: pika e hyrjes, lumturia e banorëve, siguria, disponueshmëria për të mirëpritur turistët dhe niveli i mirë i gjuhës angleze. Për të hartuar këtë renditje u mor në konsideratë edhe përvoja e 15 mijë gazetarëve të udhëtimeve.
Studimi u nxit nga reagimi anti-turistë në disa nga qytetet europiane me mbipopullim turistësh këtë verë si Barcelona, ku protestuesit shpuan gomat e autobusëve të turistëve apo gomat e biçikletave që jepen me qira në gusht dhe në Venecia ku banorët ngrihen shpesh kundër kroçerave për të ruajtur ndërtesat e tyre antike.
Klasifikimi në vend të parë i Singaporit nuk duhet të jetë një surprizë – thotë Evelyn Chen, autore dhe eksperte e guidës së Telegaph Travel. Është vërtet një ndër qytetet më mikpritëse në botë – thotë ajo. Kjo ndihet që në momentin që zbret në Aeroportin Changi,
“Singapori është vërtet një nga qytetet më mikpritëse në botë” – thotë ajo. – Ju e ndieni këtë gjë që në momentin që arrini në Aeroportin Changi”.
Changi, i cili mburret se ka një kopsht me flutura, dy kinema falas që qëndrojnë 24 orë në 24 hapur dhe një pishinë në tarracë është vlerësuar si aeroporti më i mirë në botë për pesë vite radhazi.
“Mendoj se është ndihmues fakti që gjuha angleze është gjuha e parë në vend dhe e lehtëson komunikimin mes turistëve dhe banorëve vendas” – shtoi Chen.
“Me përjashtim të ndonjë defekti të rastit, transporti në përgjithësi është i rregullt. Ndonjëherë banorët e Singaporit ankohen pak, por kush nuk e bën një gjë të tillë? Por në përgjithësi jemi shumë të lumtur”.
Top 10 vijon me Helsinkin, San Franciskon, Roterdamin, Lisbonën, Tokion, Oslon, Zyrihun dhe në fund Orlandon.
/m.j/