Një sasi armësh zjarri dhe kanabisi u gjetën të fshehura nga policia në qytetin e Memaliajt.
“Operacioni nisi pasi Policia e Memaliajt mori informacion nga burimet e saj se dy shtetas, (gjeneralitetet e të cilëve nuk bëhen të ditur për arsye hetimi), po transportonin në një përrua, armë e drogë me qëllim fshehjen e tyre”, njoftojnë uniformat blu.
Policia ka gjetur tre armë zjarri model 54, një armë zjarri automatike model 56, dy krehëra me fishekë si dhe një qese e zezë, brenda të cilës kishte 5 kg kanabis.
Armët dhe droga u gjetën të fshehura në një zone me shkurre në vendin e quajtur “Përroi i Madh” në fshatin Zhapokikë të Memaliajt. /a.a/ Albanian Free Press Online/