Pavarësisht se Kukësi i dha votëbesim trajnerit, në janar pritet të ketë ndryshime të mëdha te kampionët në fuqi. Rikthimi i ish-trajnerit Armando Cungu si dhe largimi i disa lojtarëve që nuk kanë bindur deri tani, janë planet e kampionëve në fuqi për të ndryshuar situatën.
Sakaq, mesfushori Muarem Muarem është prezantuar nga Flamurtari, një ditë pas fitores ndaj Vllaznisë, si blerja e dytë e merkatos së janarit. Rikthimi i talentit të këtij qyteti, Dejvi Bregu është objektivi kryesor i Flamurtarin në merkaton e dimrit. Mësohet nga burime të sigurta se pavarësisht përpjekjeve të palës gjirokastrite për ta mbajtur Bregun, oferta e Flamurtarit e ka bindur atë dhe ai ka kërkuar që të marrë kartonin në janar, për t’u bashkuar me ekipin e vendlindjes së tij.
Një tjetër skuadër me pretendime të larta, pavarësisht ecurisë së dobët në javët e para, Partizani, ka arritur marrëveshjen me ish-kapitenin e Flamurtarit, Bruno Telushi, i cili në pjesën e parë të këtij sezoni nuk ka luajtur me ekipin Slaven Belupo në Kroaci. Partizani kërkon edhe Kristal Abazajn, si përforcim të dimrit, por pritet të ketë ndryshime të tjera të mëdha. Ndryshime do të ketë edhe Skënderbeu, por në kampin korçar flitet vetëm për përforcime.
Kategoria Superiore, ndeshjet e sotme
Kamza-Luftëtari 0-1
Shënues: Rroca 90’
Kamza: Halilaj, Frashëri, Kuqi, Fushtar, Idrizaj (Neziri 22’), Fukui, Arrabal, Ymeraj (Mehmeti 66’), Rezi (Mumajesi 54’), Plaku, Raçiç. Trajner: Ramadan Ndreu
Luftëtari: Ruçi, Rapa, Beqiri, Zeqaj, Zguro, Aleksi, Ramadani, Rroca, Bregu, Abazaj, Lamçe (Përgjini 92’). Trajner: Hasan Lika
Gjyqtar: Laver Alla
Partizani-Teuta 2-1
Shënues: Trashi 23’, Batha 90’ / Cmajcanin 19’
Partizani: Hoxha, Ibrahimi, Malota (Krasniqi 65’), Atanda, Kalari, Vila, Batha, Asani, Fili, Trashi (Xhixhua 69’), Progni. Trajner: Sulejman Starova
Teuta: Kastrati, Beqja, Sykaj, Shkalla, Hakaj, Çyrbja, Hila, Bilali, Osemene (Karimi 80’), Çmajçanin (Shehaj 75’), Latif. Trajner: Gugash Magani
Gjyqtar: Enea Jorgji
Sulejman Starova, trajneri i Partizanit
“Nuk vodhëm gjë, kishim momente shumë të mira. Edhe kundërshtari nuk meritonte të dilte pa gjë, edhe pse ne nuk e vodhëm fitoren. Kur skuadra luan mirë fillojnë gabimet, kur fillojnë ndryshimet, dëmtimet. Këto më bënë pesimist. Por besuam deri në fund dhe i shtuam sulmet pa mbarim në 15 minuta e fundit, Teuta e humbi ndeshjen se nuk ishte vigjilente derisa mbaroi loja. Presidenti Demi ka ambicie që të ketë skuadrën në elitë.”
Gugash Magani, trajner i Teutës:
I tillë është futbolli, nëse nuk je gjithmonë vigjilent ndëshkohesh, si ne. Zhvilluam një ndeshje të mirë, por në fund u mundëm, si shumë ndeshje. Jam i mërzitur sepse futbolli jo gjithmonë luhet drejt në Shqipëri. Na kanë shënuar edhe në shtëpi, edhe jashtë, pastaj na kanë vonuar lojën. Ka raste që një top të hidhet në drejtim të paditur dhe mbyllet ndeshja. Ky është futbolli dhe duhet ta pranojmë siç është. Kishim momente ku mund ta ndëshkonim Partizanin dhe nuk e ndëshkuam.”
Laçi-Skënderbeu 1-0
Shënues: Uzuni 46′
Laçi: Selmani, Fangaj, Qaqi, Gjoni, Sefgjini, Xhixha (Shala 80’), Jonuzi, Lushkja, Kallaku (Smaçi 88’), Uzuni, Rexhinaldo (Bushi 93’). Trajner: Gentian Mezani
Skënderbeu: Shehi, Taku, Jashanica, Aliti, Mici, Muzaka, Nimaga (Lulaj 64’), Lilaj, Gavazaj, Sahiti (Soue 58’), Xhejms (Shkodra 73’). Trajner: Ilir Daja
Gjyqtarë: Klajdi Kola
Kategoria Superiore
Java e 14-të/ Sot
Laçi-Skënderbeu 1-0
Partizani-Teuta 2-1
Kamza-Luftëtari 0-1
Të shtunën
Kukësi-Lushnja 1-3
Flamurtari-Vllaznia 2-0
Klasifikimi
Skënderbeu 31
Flamurtari 25
Kamza 23
Kukësi 22
Laçi 21
Partizani 21
Teuta 15
Luftëtari 13
Vllaznia 12
Lushnja 8