Ish të dënuarish politikë të regjimit komunist protestuan para Ministrisë së Drejtësisë lidhur me dëmshpërblimet.
Ata kanë kërkua informacion rreth asaj që po ndodh me dosjet e dëmshpërblimit.
Ministrja Etilda Gjonaj u detyrua të presë sot në një takim përfaqësues të një grupi, dhe pas ballafaqimit me strukturat përgjegjëse në dikaster dolën në pah disa problematika dhe vonesa lidhur me trajtimin e mëparshëm disavjeçar të dosjeve të ish të dënuarve.
Ministrja Gjonaj mori përsipër ngritjen e një praktike të re pune në Ministrinë e Drejtësisë, që do të ketë në fokus rishikimin e të gjitha kërkesave për dëmshpërblim që janë ende në shqyrtim në Ministrinë e Drejtësisë.