Ura në Chirajara do të ishte pjesë e një autostrade që lidh kryeqytetin, Bogotan, me qytetin Villavicencio.
Fotografitë nga vendi i ngjarjes tregojnë një pjesë të madhe të urës 450 metra të gjatë të rënë poshtë.
Ministri i Transportit Germán Cardona foli për një "tragjedi" dhe tha se shkaku i kolapsit do të hetohet.
Punëtorët e shpëtimit u angazhuan për të kërkuar të mbijetuarit.
“Ura do të përfundonte në qershor”, thanë zyrtarët e cituar nga BBC.
Zyrtarët e ndërtimit thanë se, për fat të mirë, shumë punëtorë nuk ishin në urë në kohën e rënies, pasi stafi po merrte pjesë në një konferencë për sigurinë.
Kompania e ngarkuar me punimet tha se do të bënte gjithçka që mundte për të ndihmuar familjet e punëtorëve që vdiqën ose u plagosën në këtë aksident të rëndë. /a.a/ Albanian Free Press Online/
Fotot: Reuters