Vuante nga sëmundje e pashërueshme, humb jetën në burg i dënuari për vrasje

Një 59 ­ vjeçar humbi jetën në burg, ku vuante dënimin.

Policia sqaron se ngjarja ka ndodhur dje në reanimacionin e spitalit të burgut.

Fatmir Tomini, banues në Tiranë, ishte i dënuar me 17 vite burg, për veprën penale “Vrasja” dhe vuante dënimin ne burgun e Krujës.

Sipas të njëjtave burime, Tomini vuante prej kohësh nga një sëmundje e pa shërueshme.

Vazhdojnë hetimet për përcaktimin e shkaqeve të vdekjes, ndërsa materialet për rastin u referuan në Prokurorinë e Rrethit Gjyqësor Tiranë, për vlerësim.